Plan framover og pampasbilder

Vi er no inne i siste veka her i Bolivia, og plutselig vart det litt stress. Det er så mykje vi har lyst å få med oss før vi reiser. Det blir vemodig å reise herifrå, samtidig som vi byrjar å savne gamle Norge! Lillian har kome på besøk, og det er veldig kjekt! Ho har allereie fått med seg landsbyfest i Sorata (opning av vanningsannlegg), marked på El Alto og fotballskule, samt smakt Lama og sykla dødsvegen. Igrunn er det vel på tide at Lillian skriv eit blogginnlegg!?

I dag skal ho få vere med til Chacaltaya og etterpå skal vi heim til hushjelpa på Casaen. I morgon får ho med seg info om El Alto- prosjektet og mikrokreditt organisasjonen Diakonia-FRIF, før vi skal på fotballfest mellom dei lokale klubbane Bolivar og Strongest. Fredag reiser vi til Peru - sivøyene, Cuzco og Machu Picchu :)

Under er ein del bilder frå Pampas-turen vår 8.-11.mai. Dette jungelområdet av bolivia ligg på ein 3-400 moh og har ein fantastisk frodig natur med mykje dyr! Vi opplevde mellom anna å fly minifly (17 passasjerar) som landa på ei grasslette, å ta mopedtaxi, å svømme med rosa delfinar (som dytta borti oss), nærgåande apekattar (Hr. Nilsson), anacondajakt (kvelerslange), fiske etter piraya og lyse etter aligatorar, i tillegg til mykje sol, god mat og mykje mygg!

Mopedtaxi i Rurrenabaque

Turistvegen til Santa Rosa (3 timar) der pampasturen starta. Ikkje klag på rv.7!

Elvebåt - behagleg framkomstmiddel

Bading med nærgåande ville rosa delfinar - kjempekick!

Vi såg mange ulike typar apekattar

Hr. Nilsson :)

Dag to vakna vi med ein aligator i "hagen"

Fredelig og stille...

Fuglar var det flust av!

men piraya var det berre Håvard og guiden som klarte å fange :)